दाङ : ६० औं रक्तसञ्चार दिवस स्थापनाको अवसरमा मंगलबार हिमाल एकाडेमी, तुलसीपुरमा रक्तदान कार्यक्रम सम्पन्न भएको छ। दाङ रेडक्रसको प्राविधिक सहयोगमा सञ्चालन गरिएको उक्त कार्यक्रममा शिक्षक र विद्यार्थी गरी ४६ जनाले रक्तदान गरेका छन्। रक्तदान तथा रक्तदाता उत्प्रेरणा कार्यक्रम अन्तर्गत लमही, घोराही र तुलसीपुर क्षेत्रका विभिन्न क्याम्पस तथा विद्यालयमा सञ्चालन गरिएको साताव्यापी कार्यक्रम आज समापन गरिएको हो।
विद्यालयमा हरेक वर्ष २/२ पटक रक्तदान कार्यक्रम गर्दै आएको रगत अभावमा कसैको ज्यान जोखिममा नपरोस् भन्ने उद्देश्यले कार्यक्रम गरिएको प्रधानाध्यापक मधुसुदन केसीले बताए। यस वर्ष कार्यक्रम फरक ढंगले सञ्चालन गरिएको र थप उपलब्धिमूलक बनेको दाङ रेडक्रसका उपसभापति हरिहर पौडेलले बताए। कार्यक्रममा विद्यालयका हेडसर नवीन कुमार पराजुली, रेडक्रसका कुशल तर्ताल, विमल ओली, सुष्मा भण्डारीलगायतको उपस्थिति रहेको थियो।

थप
बंगलाचुलीमा संजिवनिको निःशुल्क स्वास्थ्य शिविर, ३०० जनाले लिए स्वास्थ्य सेवा
दलित बालिकाका माग सम्बोधन गर्न प्रदेश सरकार प्रतिबद्ध : मुख्यमन्त्री आचार्य
लुम्बिनीमा स्वास्थ्य सेवा सुधारदेखि आयुर्वेद औषधि उत्पादनसम्मका १३ प्रतिबद्धता