दाङ : हिमाल स्काउट ट्रुप, तुलसीपुर दाङको आयोजनामा एकदिने विद्यार्थी लक्षित तनाव व्यवस्थापन कार्यशाला आइतबार सम्पन्न भएको छ। कार्यक्रम स्काउट ट्रुप हिमाल एकाडेमीका स्काउटर प्रणब साहको अध्यक्षता र तुल्सिपुर उपमहानगरपालिका प्रमुख टिकाराम खड्काको प्रमुख आतिथ्यतामा सम्पन्न भयो।
कार्यक्रमका प्रमुख अतिथि खड्काले विद्यार्थीहरूको व्यक्तित्व र नेतृत्व विकासमा स्काउटले पुर्याएको योगदानको चर्चा गर्दै पछिल्लो समय बालबालिकामाझ तनाव एक प्रमुख समस्या बनेको बताए। “आजका विद्यार्थी भोलिका कुशल राष्ट्रसेवक हुन्,” भन्दै उनले मन, वचन र कर्मबाट समाज सेवामा लाग्न सबैलाई आग्रह गरे।
कार्यक्रमकी विशेष अतिथि तथा प्रशिक्षक ॐ शान्ति विश्व विद्यालयकी दिदी माला ले आत्मिक ज्ञानबाट नैतिकता र इमान्दारिता विकास हुने उल्लेख गर्दै यस्ता कार्यक्रमले मानव जीवनको सार्थकता पुष्टि गर्ने बताइन्। नेपाल स्काउटका केन्द्रीय सदस्य नवीन कुमार पराजुली, प्रदेश सदस्य निरञ्जना पाण्डे र विद्यालयका प्रधानाध्यापक मधुसूदन केसीले स्काउट शिक्षा, मूल्य, मान्यता तथा स्काउटरको भूमिकामाथि प्रशिक्षण दिएका थिए। कार्यक्रमको सहजीकरण स्काउट मास्टर अन्जली साहले गरेकी थिइन्।

थप
बंगलाचुलीमा संजिवनिको निःशुल्क स्वास्थ्य शिविर, ३०० जनाले लिए स्वास्थ्य सेवा
दलित बालिकाका माग सम्बोधन गर्न प्रदेश सरकार प्रतिबद्ध : मुख्यमन्त्री आचार्य
लुम्बिनीमा स्वास्थ्य सेवा सुधारदेखि आयुर्वेद औषधि उत्पादनसम्मका १३ प्रतिबद्धता